November 09, 2012

Handak Babini Lagi

Umanya, aku sayang banar lawan ikam, salama 13 tahun kita barumahtangga, banyak banar sudah pangorbanan ikam lawan aku atawa lawan anak-anak kita nang batiga ini.

Baisukan banar pas aku balum bangun guring, ikam sudah manyiapakan makanan gasan aku sabalum tulak bagawi, jua gasan anak-anak kita sabalum tulak sakulah. Limbah itu aku itihi ikam panuh samangat mambarasihi rumah kita nang sadarhana ini. Taharu aku umanya ae.

Baisukan manjalang tangah hari, ikam rela balanja ka pasar, batatukar bahan makanan gasan bamasak pulang, gasan makanan kaluarga kita. Rahat sudah masak nasi atawa iwaknya, ikam tapaksa badudi makannya karna ikam manyuapi anak kita nang halus ini. MasyaALLAH, ganal banar pangorbanan ikam salama ini.

Rahat sanja, jua aku lihat ikam ikhlas mamandii anak kita nang balum bisa mandi saurangan ini. Malamnya ikam lajari atawa mangganii anak kita nang sudah sakulah SD ini balajar lawan ikam. Balum lagi anak kita nang halus ni manangis tangah malam, ikam tapaksa bangun jua mambisai inya. Kada purun aku lawan ikam.

Matan baisukan, tangah hari, rahat sanja, wan malam ikam layani kami sakaluargaan. Tarima kasih sayang.

Umanya sayang, aku jadi sadih, aku jadi kada tega malihat ikam kauyuhan kaya itu tarus tiap hari.
Umanya sayang, kaya apa kalu aku babini lagi?

Page Information Article

Title: Handak Babini Lagi

URL: http://edughoni.blogspot.com/2012/11/handak-babini-lagi.html

0 komentar:

Posting Komentar

Thank for coming, dont Spam !!

Related Posts Plugin for WordPress, Blogger... Monetize your site! SPEEDUP Tablet Pad 7 SPEEDUP Tablet Pad 7

 
Design by Wordpress Theme | Bloggerized by Free Blogger Templates | Free Themes n Template
Related Posts Plugin for WordPress, Blogger...